निष्पक्ष र विश्वसनीय खबरको सँगालो 
Khabar Punja
१५ माघ २०८२, बिहीबार
काठमाडौं । बझाङको थलारा गाउँपालिका डिख्लामा पहिरो जाँदा २३ जना बेपत्ता भएका छन् । गाउँपालिकाको डिख्ला वडा नं ४ मा मंगलबार बिहान ४ बजे भीषण पहिरो गएको थियो ।
गाउँ नै बगाउने गरी ढोगदिना भन्ने ठाँउबाट पहिरो झरेको थियो । जुन पहिराेले डिख्ला र दुई गाँउका बासिन्दा विस्थापित भएका छन् । पहिरोले ७ घर पुरिंदा २३ जना बेपत्ता भएका हुन् । यसरी बेपत्ता हुनेमा दुई घरका २३ हुन् । जसमा गगने शार्कीको परिवारका १८ जना र नरे पार्कीको घरका ५ जना छन् ।
यसरी बेपत्ता हुनेमा भूमिका, चिरञ्जीवी, इस्सरा, संजीव, सविता, सरोज, हर्कु, धनगिरी, सीता, प्रवाश, शर्मिला, पम्फा, सुवाश, विकास, एक जना नाम नखुलेका छन् । त्यस्तै मदन शार्की, कलुदेवी शार्की र एलिसा शार्की पनि बेपत्ता भएका छन् ।
गगने शार्की रोजगारीको सिलसिलामा भारतमा छन् । पहिरो सिंगो परिवार बेपत्ता हुँदा गगनेका माइला छोरा भने सकुशल रहेको बताइएको छ । गगनेका छाेरा मात्रै सम्पर्कमा अाएकाे प्रहरीले जनाएकाे छ ।
नरे पार्कीका घरका उजली, आयुष, हिमा, सीमा पार्की बेपत्ता भएका छन् । पूरै गाउँ नै पहिरोको जोखिममा परेपछि एक सयभन्दा बढी परिवार विस्थापित भएका हुन् ।
