निष्पक्ष र विश्वसनीय खबरको सँगालो 
Khabar Punja
१९ बैशाख २०८१, बुधबार
बुटवल : श्रम, रोजगार तथा सामाजिक सुरक्षामन्त्री कृष्णकुमार श्रेष्ठ किसानले श्रम तथा रोजगार कार्यालय बुटवलको बुधबार निरीक्षण गरेका छन् । सो क्रममा मन्त्री श्रेष्ठले सेवाग्राहीसँग छलफल समेत गरेका छन् ।
कार्यालयमा आएका एक सेवाग्राहीले श्रम स्वीकृतीका लागि हप्ता दिनसम्म पालो कुनुपर्दा समस्या भएको बताए । उनले दिनमा ५०÷६० जनाको मात्रै श्रम स्वीकृती हुने गरेकाले कोटा बढाइदिन मन्त्री श्रेष्ठसँग आग्रह गरेका थिए । “श्रम लिनका लागि हप्ता दशदिनसम्म कुर्नुपर्छ, हामी मन्त्रीज्युँसग आशावादी छौ,” ती सेवाग्राहीले भने ।
मन्त्री श्रेष्ठले जनताको काम सहज र सरल तरिकाले गर्ने प्रतिबद्धता व्यक्त गरे । मन्त्री श्रेष्ठले एकैदिनमा श्रम स्वीकृती दिने व्यवस्था मिलाउने आश्वासन समेत दिए । मन्त्री श्रेष्ठले बुधबार नै व्यावसायिक तथा सीप विकास तालिम प्रतिष्ठानको पनि निरीक्षण गरेको प्रमुख स्वकीय सचिव जगत खड्काले जानकारी दिए ।
