निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
काठमाडौ । श्रम, रोजगार तथा सामाजिक सुरक्षा मन्त्री कृष्णकुमार श्रेष्ठले श्रम प्रहरी र वैदेशिक रोजगार प्रहरी स्थापना गर्ने बताएका छन् ।
आन्तरिक श्रम प्रशासन सञ्चालन गर्ने श्रम विभाग र वेदैशिक रोजगार प्रशासन सञ्चालन गर्ने वैदेशिक रोजगार विभागका कामहरूलाई प्रभावकारी बनाउन श्रम र वैदेशिक रोजगार प्रहरी बलको आवश्यकता महसुस गरिएको मन्त्री श्रेष्ठले बताए ।
मन्त्री श्रेष्ठले वैदेशिक रोजगार विभागमा प्रहरी नायब उपरीक्षक ९डीएसपी ० सरहको अधिकृतको नेतृत्वमा सुरक्षाबल राख्नुपर्ने आवश्यकता महसुस गरिएको बताए ।
हाल राजस्व अनुसन्धान विभागले सशस्त्र प्रहरीलाई निगरानी र अनुसन्धानको काममा लगाएको छ भने काठमाडौ महानगरपालिकासहित स्थानीय निकायले नगर प्रहरी स्थापना गरेर काम गरिरहेका छन् ।
मन्त्री श्रेष्ठले वैदेशिक रोजगार प्रहरी स्थापना भएपछि विभागलाई अनुगमन लगायतका काममा सहज हुने ठानेर वैदेशिक रोजगार प्रहरी स्थापना गर्ने विषयमा मन्त्रालयस्तरमा छलफल गरिरहेको समेत बताए । विभागमा नेपाल प्रहरीले सुरक्षा दिइरहेको छ । तर अनुगमनमा जाँदा सम्बन्धित क्षेत्रको नेपाल प्रहरीको युनिटको सहयोग लिने गरेको छ ।
