निष्पक्ष र विश्वसनीय खबरको सँगालो 
Khabar Punja
५ माघ २०८१, आईतवार
दुलेगौडा । लायन्स क्लव अफ तनहुँ खैरेनीटारले शुक्लागण्डकी नगरपालिका-८ कालिका प्राथमिक विद्यालयका विद्यार्थीलाई न्यानो कपडा वितरण गरेको छ ।
विद्यालयमा अध्ययनरत ७० जना विद्यार्थीलाई क्लवले न्यानो कपडा वितरण गरेको हो। उनीहरुलाई शैक्षिक सामग्री समेत वितरण गरिएको पूर्व अध्यक्ष एवं जिएलटी कोर्डिनेटर सुजित हिराचनले जानकारी दिए ।
विद्यार्थीलाई क्लवका रिजन ३० का चियर पर्सन प्रदीप थापाले न्यानो कपडा वितरण गरेका थिए । कार्यक्रममा क्लवका अध्यक्ष पिताम्बर तिम्सिना, कार्यक्रम संयोजक बलबहादुर श्रेष्ठ लगायतले लायन्सले सामाजिक काममा आफूलाई अब्बल तुल्याएको बताए ।
