निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमाैली । तनहुँको व्यास नगरपालिका–७ कलेस्ती सिमलटारमा मोटरसाइकल दुर्घटना हुँदा एक जनाको मृत्यु भएको छ । दुर्घटनामा अर्का एक जना घाइते भएका छन् ।
मृत्यु हुनेमा सोही ठाउँ बस्ने वीरबहादुर दरै रहेको जिल्ला प्रहरी कार्यालय तनहुँले जनाएको छ । कलेस्तीबाट सिमलटार जाँदै गरेको ग १५ प ८४९५ नम्बरको मोटरसाइकल अनियन्त्रित भई दुर्घटना हुँदा पछाडि सवार दरैको उपचारका क्रममा मृत्यु भएको हो । उनको दमौलीस्थित रत्नहरि मेमोरियल अस्पतालमा उपचारको क्रममा मृत्यु भएको प्रहरी निरीक्षक शिवराज क्षेत्रीले जानकारी दिए ।
दुर्घटनामा मोटरसाइकल चालक मनबहादुर दरै घाइते भएका छन् । उनको पोखरास्थित गण्डकी मेडिकल कलेजमा उपचार भइरहेको छ ।
