निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । कोरोना विरुद्धको खोपको दोस्रो मात्रा पूरा गर्नेमा तनहुँको आँबुखैरेनी गाउँपालिका उत्कृष्ट घोषित भएको छ । गण्डकी प्रदेशको स्वास्थ्य तथा जनसङ्ख्या मन्त्रालय, स्वास्थ्य निर्देशनालयले सार्वजनिक गरेको प्रतिवेदन अनुसार खोपको दोस्रो मात्रा पूरा गराउने पालिकातर्फ आँबुखैरेनी उत्कृष्ट हुन सफल भएको हो ।
प्रदेशभित्रका ८५ पालिकामध्ये उत्कृष्ट १५ भित्र परेर गाउँपालिका १३ औं हुन सफल भएको गाउँपालिकाका स्वास्थ्य शाखा प्रमुख अगमराज उपाध्यायले बताए । उनका अनुसार गाउँपालिकाभित्रका ९३.४ प्रतिशतले खोपको दोस्रो मात्रा लगाइसकेका छन् । पहिलो मात्रा लगाउने अझै बढी छन् । सबैको सहयोगका कारण खोप अभियान सञ्चालन गर्न सफल भइएको र उत्कृष्ट घोषित हुँदा काम गर्ने हौसला थपिएको उपाध्यायले बताए ।
उत्कृष्ट १५ भित्र पर्नेमा आँबुखैरेनी तनहुँकाे एकमात्र गाउँपालिका हाे ।
सर्वाधिकार सुरक्षित नोट : यस खबरपुञ्ज डटकममा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं ।
