निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमाैली । बन्दीपुर गाउँपालिकाले तनहुँका क्रियाशिल पत्रकारहरुलाई सम्मान गरेको छ । १० औँ गाउँसभाको अवसरमा मंगलबार गाउँपालिकाले जिल्लाका क्रियाशिल पत्रकारलाई सम्मान गरेको हो ।
खबरपुञ्ज सहसम्पादक विनोद ढुंगाना सहित जिल्लाका पाँच पत्रकार सम्मानित भए । ढुंगाना सहित दमौली एक्सप्रेस साप्ताहिकमा कार्यरत सुनिता आचार्य, तनहुँ उद्घोष दैनिकमा कार्यरत किरण श्रेष्ठ, प्रादेशिक खबर दैनिकमा कार्यरत शिला वाग्ले र इच्छाकामना न्युज डटकमका चित्र सोल्टी गुरुङ सम्मानित भएका हुन् ।
पत्रकारिताको माध्यमबाट गाउँपालिकाको प्रबद्र्धनमा योगदान पु¥याएकाले सम्मान गरेको गाउँपालिका अध्यक्ष पुर्णसिंह थापाले बताए । बन्दीपुरको पर्यटन, शिक्षा, स्वास्थ्य, पुर्वाधार विकास लगायतमा पत्रकारिताका माध्यमबाट सहयोग पु¥याउने जिल्लाका क्रियाशिल पत्रकारलाई छनोट गरेर सम्मान गरेको उनले बताए । गाउँपालिकाले बर्षेनी पत्रकारहरुलाई सम्मान गर्दै आईरहेको छ ।
आफ्नो कार्यकालको अन्तिम अर्थात १० औँ गाउँसभा मंगलबार समापन गरेको बन्दीपुर गाउँपालिकाले पत्रकार सहित विभिन्न व्यक्ति र संघसंस्थालाई सम्मान गरेको छ । कृषक समुह, दुग्ध उत्पादक शहकारी, किसान, विद्यालय, सहकारी, खानेपानी उपभोक्ता समिति, सडक उपभोक्ता समितिलाई समेत सम्मान गरेको छ ।
