निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दुलेगौँडा : शुक्लागण्डकी जेसीजका पदाधिकारीलाई लोम अफिसर तालिम प्रदान गरिएको छ । बुधबार साँझ बर्ष २०२२ का लागि निर्वाचित पदाधिकारीलाई लोम अफिसर तालिम प्रदान गरिएको हो ।
नेपाल जेसीजका कार्यकारिणी उपाध्यक्ष सुनिल तिम्लिसिनाले तालिम दिएका हुन् । पदाधिकारीको पदीय जिम्मेवारी, कर्तव्य, निभाउनु पर्ने भूमिका, सिकाईका आधारहरू र जेसीज इतिहासको बारेमा तिम्लिसिनाले सहजीकरण गरेका थिए । उनले संस्थागत विकासका लागि सबै उत्तिकै भुमिका निभाउनुपर्ने बताए ।
कार्यक्रमलाई सम्बोधन गर्दै शुक्लागण्डकी जेसीजका पुर्व अध्यक्ष नवराज लामिछानेले तालिमको सिकाईलाई व्यवहारमा उतारेर पदिय जिम्मेवारी बहन गर्नुपर्ने बताए ।
शुक्लागण्डकी जेसीजका अध्यक्ष शिव विकको अध्यक्षतामा भएको कार्यक्रममा महासचिव इश्वरकुमार श्रेष्ठ, तालिम संयोजक रमेश भुजेल, शिव रेग्मी लगायतले बोलेका थिए ।
