निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमाैली । नेकपा एमालेको किल्लाको रुपमा रहेको घिरिङ गाउँपालिकाको अध्यक्षमा नेकपा एमालेबाट पाँच जना आकांक्षी रहेका छन् । एमालेबाट टिकट हात पार्न पाए चुनाव जित्ने निश्चित रहेको हुँदा एमालेबाट आकांक्षीहरु धेरै देखिएका छन् ।
उक्त गाउँपालिकाको अध्यक्षमा एमालेबाट वर्तमान अध्यक्ष रनबहादुर राना सहित गन्डकी प्रदेश कमिटिका सदस्यद्वय विष्णुभक्त सिग्देल र होमबहादुर थापा, गाउँ पालिका कमिटिका अध्यक्ष विष्णुप्रसाद ढकाल र जिल्ला कमिटि सदस्य इन्द्र थापा मुख्य आकांक्षी रहेका छन् ।
सत्ता गठबन्धनले घिरिङ गाउँपालिकाको अध्यक्ष नेकपा एकीकृत समाजबादीलाई दिने गरि अनौपचारिक सहमति गरेको छ । एमालेको गढ भत्काउन सत्ता गठबन्धनले एमालेबाट नै विभाजित भएको एकीकृत समाजवादीलाई उक्त गाउँपालिकाको नेतृत्व दिने गरि छलफल गरेको बुझिएको छ ।
