Khabar Punja

दुलेगौडा । लोक दोहोरी गीत ‘पिपल चौतारी’ को भिडियो सार्वजनिक गरिएको छ । गायिका एलिना चौहान र सुधुम्ना सुवेदीको स्वरमा रहेको गीतको भिडियो विहीबार नयाँ बर्षको अवसर पारेर सार्वजनिक गरिएको हो । जिवन कोईराला युट्युब च्यानल मार्फत डिजिटल बजारमा भिडियो सार्वजनिक गरिएको छ । गीतमा भुवन शिवाकोटी ‘चौघरे’ को शब्द र राम कार्कीको लय रहेको छ ।

भिडियोको पत्रकार हरि खरेलले निर्देशन गरेका हुन् । सञ्चारकर्मी जिवन काेइराला र मुनिता गुरुङको अभिनय रहेको छ । देवचुली प्रोडक्सनले तयार पारेको भिडियोको छायांकन र सम्पादन रविन श्रेष्ठले गरेका हुन् । पोस्टर सुरेश धमेल र श्रृंगार शोभा आलेको रहेको छ ।

माया प्रेमको भाव बोको गीतले दर्शकको मन जित्ने आशा रहेको मोडल कोईरालाले बताए । स्थानीय स्रोत र साधनको प्रयोग गरेर उत्कृष्ट भिडियो बनाउने प्रयास गरेको उनको भनाई छ ।

तनहुँसुर, घारी तालबेसी, रकगार्डेन, एक्लेडाँडा लगायतका स्थानमा भिडियो छायांकन भएको हो ।