निष्पक्ष र विश्वसनीय खबरको सँगालो 
Khabar Punja
२१ कार्तिक २०८१, बिहीबार
काठमाडाै । नेकपा एमालेले आगामी शनिवार मात्रै महानगर र उपमहानगरको उम्मेदवार तय गर्ने भएको छ ।
एमाले अध्यक्ष केपी शर्मा ओलीको निवास बालकोटमा बसेको केन्द्रीय सचिवालय बैठकले शनिवार मात्रै उम्मेदवार छनौट गर्ने निर्णय गरेको उपमहासचिव एवं प्रचार विभाग प्रमुख पृथ्वी सुब्बा गुरूङले जानकारी दिए ।
आजको बैठकमा प्रदेश कमिटीबाट सिफारिस भएर आएको नाम महासचिव शंकर पोखरेलले पढेर सुनाएका थिए ।
सचिवालय बैठकमा उम्मेदवार छनौटको बारेमा सामान्य छलफल मात्रै भएको गुरूङले बताए ।
गण्डकी, लुम्बिनी र प्रदेश–१ मा भने प्रदेश सांसद रहेको व्यक्तिलाई स्थानीय तहको प्रमुख/उपप्रमुखमा उम्मेदवार नबनाउने गुरूङले बताए ।
‘गण्डकी, लुम्बिनी र प्रदेश–१ मा सरकार फेरबदलको सम्भावना छ । अहिले सांसदलाई स्थानीय तहमा अघि सारेर सांसद पद खाली गर्नु आत्मघाती जस्तै हुन्छ’, गुरूङले भने ।
निर्वाचन आयोगले बैशाख ११ र १२ गते उम्मेदवारी मनोनयनको मिति तोकेको छ ।
