निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
दमौली । नेपाल पत्रकार महासंघ तनहुँ र निर्वाचन कार्यालयको संयुक्त आयोजनामा दमौलीमा गरिएको नमूना मतदानमै मत बदर भएको छ। विश्व प्रेस स्वतन्त्रता दिवसको अवसरमा मंगलबार आयोजना गरिएको नमूना मतदानमा नगरप्रमुख, उपप्रमुख, खुल्ला र दलित सदस्यमा मत बदर भएको छ ।
नगरप्रमुखमा तीन, उपप्रमुखमा एक, खुल्ला सदस्यमा चार र दलित महिला सदस्यमा तीन मत बदर भएको मतदान अधिकृतको भूमिकामा रहेका पत्रकार महासंघ तनहुँका पूर्व अध्यक्ष प्रेमप्रसाद पौडेलले जानकारी दिए । नगर क्षेत्रमै मत बदर हुनु दुखद रहेको भन्दै उनले मतदाता शिक्षालाई प्रभावकारी बनाउन आवश्यक रहेको बताए ।
नमूना मतदानमा ६१ जनाले मतदान गरेका थिए ।
निर्वाचन कार्यालय तनहुँका प्रमुख हरिप्रसाद ढकालले मतदाता शिक्षा प्रभावकारी बनाउन राजनीतिक दल र उम्मेदवार पनि लाग्नुपर्ने बताए ।
प्रमुख जिल्ला अधिकारी विश्वप्रकाश अर्यालले नमूना मतदानले मतदाता शिक्षा प्रभावकारी बनाउन सहयोग पुग्ने बताए ।
