निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
भानु । भानु नगरपालिकाका उपमेयर उम्मेदवार श्रीराम पौडेलले जनताका इच्छा र आकांक्षा नै आफ्नो इच्छा हुने बताएका छन् । तनहुँको भानु नगरपालिका वडा नम्बर ११ घलेगाउँमा शनिबार आयोजित चुनावी सभालाई सम्बोधन गर्दै पौडेलले जनताको इच्छा र आकांक्षा पूरा गराउने आफ्नो मुख्य योजना रहेको बताए ।
जनताको सुझावलाई मनन गर्दै भानुको विकासमा लाग्ने दृढ संकल्प बोकेर चुनावी मैदानमा होमिएकाले जनताले स्थानीय तह निर्वाचनमा आफूलाई विजयी गराउनेमा ढुक्क रहेको पौडेलले बताए । भानुको विकासमा सबै सँगसँगै अगाडी बढ्नुपर्ने भन्दै पौडेलले भने, समृद्ध भानु ः सुखी भानुवासी बनाउने लक्ष्य लिएर आएको छु ।
पौडेलले युवाहरुलाई उद्यमी बनाउने, सभ्य नागरिक बनाउने, गाउँमै सीपमूलक तालिम सञ्चालन गर्ने योजना सहित घोषणापत्र बनाएको बताए ।
पौडेलले शनिबार विभिन्न वडामा चुनावी सभा तथा मतदाता भेटघाट गरेका छन् ।
