निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । व्यास नगरपालिका–३ निमचोक टोल विकास संस्थाको आयोजनामा शनिबार सर्भाइकल क्यान्सरको सचेतना एवं स्वास्थ्य शिविर सम्पन्न भएको छ ।
मेडी ट्रष्ट प्याथलोजी पोखरा र पश्चिमाञ्चल क्षेत्रीय अस्पतालका वरिष्ठ स्त्रीरोग विशेषज्ञ डा. प्रमिशा बरालको सहकार्यमा शिविर गरिएको हो ।
शिविरमा पाठेघरको क्यान्सर सम्बन्धि स्क्रिनिङ परीक्षण, मधुमेह, मिर्गौला, मुटु, रगतमा बोसोको मात्रा, थाइराइड, पिसाबको समेत परीक्षण गरिएको थियो ।
शिविरमा व्यास–३ का वडाध्यक्ष अनुप रानाले बेलैमा रोग पत्ता लगाउन सके उपचार गर्न सहज हुने बताए ।
वरिष्ठ स्त्रीरोग विशेषज्ञ डा. प्रमिशा बरालले स्त्रीरोग सम्बन्धी परामर्श दिएकी थिइन् ।
