निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमौली । व्यास नगरपालिका-१ स्थित आदिकवि भानुभक्त क्याम्पसको प्रमुखमा बढीमा ६ महिनाका लागि महाप्रसाद हड्खलेले पुननियुक्ति पाएका छन् । व्यास नगरपालिकाका प्रमुख वैकुण्ठ न्यौपानेको जोडबलमा हड्खलेले पुन: प्रमुखको नियुक्ति पाएका हुन् ।
शनिबार बसेको क्याम्पस सञ्चालक समितिको बैठकले साउनदेखि पुससम्मका लागि मात्रै प्रमुखमा नियुक्ति गरेको हो । भदौमा नयॉ सञ्चालक समिति आउने र उक्त समितिले अर्को क्याम्पस प्रमुख नियुक्ति गर्ने बताइएको छ ।
पुसपछि हड्खलेलाई पुन नियुक्ति नहुने एक जिम्मेवार पदाधिकारीले बताए । ‘प्रमुख नियुक्तिका लागि निकै रस्साकस्सी भयो, अहिलेलाई हड्खलेलाई नै नियुक्ति गरियो, ६ महिनापछि उनको फेरि नियुक्ति हुँदैन,’ उनले भने ।
