निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
स्याङ्जा । वरिष्ठ प्रहरी नायब निरीक्षक भेषराज रेग्मीले आफ्ना बुबाआमाको स्मृतिमा विद्यालयमा एक लाखको अक्षयकोष स्थापना गरेका छन् । भिरकोट नगरपालिका–२ दहथुम माध्यमिक विद्यालयमा रेग्मीले आइतबार एक लाखको अक्षयकोष स्थापना गरेका हुन् ।
वालिङ नगरपालिका–१ निवासी रेग्मीले उक्त रकम विद्यालयका प्रधानाध्यापकलाई हस्तान्तरण गरेका छन् ।
बुबा स्व. टीकाराम रेग्मी तथा माता स्व. सुशीला रेग्मीको स्मृतिमा टीकाराम सुशाीला अक्षयकोष स्थापना गरिएको हो । संरक्षकमा दीपक रेग्मी र प्रतिमा अधिकारी रेग्मी रहने गरी अक्षयकोष स्थापना गरिएको हो ।
उक्त कोषको व्याजबाट कक्षा ८ र ९ मा अध्ययनरत गरिब तथा जेहेन्दार २÷२ विद्यार्थीलाई छात्रवृत्ति प्रदान गरिनेछ ।
स्व. टीकाराम रेग्मीले २०१५ देखि २०५० असोज १६ गतेसम्म सोही विद्यालयमा अध्ययन गराएका थिए ।
