निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
दमौली । तनहुँको व्यास नगरपालिका–३ स्थित अनसनचौतारामा सुतिरहेका एक वृद्धको शनिबार बिहान मुत्यु भएको छ । मृत्यु हुने वृद्धको सनाखत हुन नसकेको जिल्ला प्रहरी कार्यालय तनहुँले जनाएको छ । ती वृद्ध अन्दाजी ६५-७० उमेरको रहेको अनुमान गरिएको छ ।
विगत लामो समयदेखि दमौली आसपास मागेर गुजारा चलाउँदै आएका ती व्यक्ति शुक्रबार रातिदेखि अनसन चौतारा आसपास बसिरहेका थिए । प्रत्यक्षदर्शीका अनुसार शुक्रबार राति पानी परेका बेला खुल्लाचौर नजिक रहेको मञ्चमा बसेका उनी आज बिहान चौतारामा आएर सुतेका थिए ।
प्रहरीले मृतकको सनाखत गर्नका लागि प्रयास गरेको जिल्ला प्रहरी कार्यालय तनहुँका प्रहरी नायब उपरिक्षक युवराज खड्काले जानकारी दिए । मृतकको शव पोष्टमार्टमका लागि दमौली अस्पताल राखिएको छ ।
