निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
एजेन्सी । लियोनल मेसी, नेइमार र काइलियन एमबाप्पेले गरेको दिन पेरिस सेन्ट जर्मेन (पीएसजी)ले सोमबार सिजन पूर्वको मैत्रीपूर्ण खेलमा जापानको गाम्बा ओसाका क्लबमाथि ६–२ को विजयी हासिल गरेको ।
जापान भ्रमणमा रहेको पीएसजीले २८औँ मिनेटमा पाब्लो सारबियाको गोलबाट अग्रता लिएको थियो । त्यसको चार मिनेट वित्न नपाउँदै नेइमारले पेनाल्टीमा गोल गर्दै पीएसजीको अग्रता दोब्बर बनाए । ३३औँ मिनेटमा केइसुके कुरोकावाको गोलबाट घरेलु टोलीले पुनरागमनको प्रयास गरेको थियो ।
३७औँ मिनेटमा पीएसजीका नुनो मेन्डिसले अर्को गोल थपे । ३९औँ मिनेटमा लियोनल मेसीले चौथो क्लब थपे । ६०औँ मिनेटमा नेइमारले व्यक्तिगत दोस्रो गोल गरे ।
७०औँ मिनेटमा जापानी क्लब गाम्बा ओसाकाका हिरोतो यामामीले अर्को गोल फर्काए । खेल सकिन चार मिनेट बाँकी हुँदा एमबाप्पेले अर्को गोल थपेपछि पीएसजीले फराकिलो जित दर्ता गरेको हो ।
पीएसजीले यसअघि सिजन पूर्वको तीन मैत्रीपूर्ण खेलमा विजय हासिल गरेको थियो ।
पीएसजीले अब नान्टसविरुद्ध अगस्ट १ मा सुपर कप खेल्नेछ ।
