निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
दमाैली । पूर्व श्रम, रोजगार तथा सामाजिक सुरक्षामन्त्री एवं तनहुँ क्षेत्र नम्बर १ का संघीय सांसद कृष्णकुमार श्रेष्ठ किसानले आफू तनहुँ क्षेत्र नम्बर १ बाटै निर्वाचन लड्ने बताएका छन् । आइतबार खबरपुञ्जसँग कुराकानी गर्दै सांसद श्रेष्ठले २०७४ सालमा विजय हासिल गरेको तनहुँ क्षेत्र नम्बर १ बाटै पुनः उम्मेदवार बनेर विजयी हुने बताए ।
केही सञ्चारमाध्यममा बाराबाट उम्मेदवारी दिने तयारी गरेको समाचारप्रति आश्चर्यप्रकट गर्दै सांसद श्रेष्ठले भने, “म तनहुँबाटै लड्छु, बारा जाने कुरा होइन । बाराका शुभचिन्तकहरुले बारा आउनुस् हामी जिताउँछौ भन्नुभएको हो ।”
नेपाली कांग्रेसका वरिष्ठ नेता रामचन्द्र पौडेल ठूलो नेता भएकाले उनी अन्यत्र जुनसुकै क्षेत्रमा पनि गएर निर्वाचन लड्न सक्ने सांसद श्रेष्ठको भनाई छ । “तनहुँ क्षेत्र नम्बर १ का जनताले २०७४ सालमा जुन माया दिनुभयो, २०७९ मंसिर ४ गतेको निर्वाचनमा पनि त्यही माया मैले पाउनेछु,” सांसद श्रेष्ठले भने ।
