निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । दमौलीमा जारी प्रथम मेयर कप फुटबल प्रतियोगितामा नवयुवा, गन्ने एफसी, न्यु बुद्ध र शान्तिदिप युवा क्लव सेमिफाइनल प्रवेश गरेका छन् ।
न्यु बुद्ध क्लव भानु र दोभान क्लव भादगाउँबीचको पहिलो क्वाटरफाइनल खेलमा न्यु बुद्ध क्लव विजयी भएको छ । निर्धारित समयमा दुवै टिमबाट २/२ गोल भएपछि ट्राइबेकरमार्फत् न्यु बुद्ध सेमिफाइनल पुगेको हो ।
भिवाइसी र गन्ने एफसी क्लवबीच भएको दोस्रो क्वाटरफाइनल खेलमा गन्नी एफसी ५-० ले विजयी भएको छ । नमस्ते देउराली र नवयुवाबीच भएको तेस्रो खेलमा नवयुवा १-० ले विजयी भएको छ ।
शान्तिदिप क्लव र काहुँमिलनबीच भएको चौथो खेलमा शान्तिदिप १-० ले विजयी भएको छ ।
प्रतियोगिताको सेमिफाइनल र फाइनल खेल बुधबार हुनेछ । व्यास-४ सितलचोक युवा क्लवको आयोजनामा भएको प्रतियोगितामा विजेताले दुई लाख दुई हजार दुई सय २२ र उपविजेताले एक लाख ११ हजार एक सय ११ प्राप्त गर्नेछ ।
