निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमाैली । व्यास नगरपालिका वडा नम्बर १० स्थित मङ्गली गैह्रामा सरसफाई केन्द्र बनाउने निर्णयबाट पछि हटेकाे छ । स्थानीयकाे विराेध भएपछि नगरपालिकाले उक्त ठाउँमा सरसफाई केन्द्र बनाउने निर्णय स्थगित गरेकाे हाे ।
त्यस ठाउँमा सरसफाई केन्द्र बनाउनका लागि नगरपालिकाले जग्गा खरिद प्रकृया अगाडी बढाएकाे थियाे । त्यसका लागि सङ्घ सरकारसँग स्वीकृति समेत मागिएकाे थियाे । तर स्थानीयवासीले कुनै पनि हालतमा सरसफाई केन्द्र बनाउन नदिने अडान लिएका थिए ।
नगरपालिकाकाे बुधबार बसेकाे बैठकले स्थानीयहरुको गुनासोका आधारमा सो जग्गा खरिद प्रकृया स्थगित गरि वैकल्पिक जग्गा खरिद प्रकृया अघि बढाउने निर्णय गरेकाे प्रमुख प्रशासकीय अधिकृत हरिराम नागिलाले जानकारी दिए । साथै नगर कार्यपालिकाका सदस्यहरु र स्थानीय प्रतिनिधि समेत सफल सरसफाई केन्द्रमा यस महिनाभित्र अध्ययन अवलोकन भ्रमणमा जाने निर्णय भएको नगरपालिकाले जनाएको छ ।
