निष्पक्ष र विश्वसनीय खबरको सँगालो 
Khabar Punja
१७ बैशाख २०८१, सोमबार
दमाैली । कांग्रेस नेता गोविन्द भट्टराईले पार्टीका वरिष्ठ नेता रामचन्द्र पौडेलविरुद्ध बागी उठ्ने घोषणा गरे पनि अन्तिम समयमा ब्याक भएका छन् ।
समानुपातिकको बन्द सूचीको अन्तिमतिर आफ्नो नाम राखिएपछि फिर्ता लिएका भट्टराईले फेसबुकमार्फत उम्मेदवारी दिन लागेको संकेत गरेका थिए । तर आइतबार उनले मनोनयन भने दर्ता गरेनन् ।
मनोनयन गर्ने तयारी गरे पनि पार्टीका कार्यकर्ताले अहिले नउठ्न आग्रह गरेपछि आफू ब्याक भएको भट्टराईले बताएका छन् ।
‘म उठ्ने तयारीमा त थिएँ, तर साथीहरूले अहिले नउठ्न आग्रह गर्नुभयो । धेरै साथीले अहिले नउठ्नु भनेपछि म ब्याक भएँ,’ उनले भने ।
रामचन्द्र पौडेलले उनलाई कांग्रेसको केन्द्रीय कोषाध्यक्ष बनाउने र राष्ट्रिय सभामा लैजाने प्रतिबद्धता दिएपछि उनी ब्याक भएको तनहुँ कांग्रेसका नेताहरू बताउँछन् ।
भट्टराई निकट नेताले पनि पौडेलबाट अफर आएको स्विकारे पनि अफरका कारण भने ब्याक नभएको बताए । ‘अफर उहाँले पार्टीको पदाधिकारी बनाउने र सांसद बनाउने दिनुभएको हो, त्यही अफरले ब्याक भएको चाहिँ होइन,’ उनले भने ।
