निष्पक्ष र विश्वसनीय खबरको सँगालो 
Khabar Punja
११ पुष २०८१, शुक्रबार
दमौली । मोटरसाइकल दुर्घटनामा हात चुँडिएकी ऋषिङ-१ झापुटारकी रेनु थापाको उपचारका लागि विद्यार्थीले ११ हजार ८० जुटाएका छन् । व्यास-४ स्थित कन्काई ग्लोबल एकेडेमीमा अध्ययनरत विद्यार्थीले रेनुको उपचारका लागि सहयोग जुटाएका हुन् ।
विद्यार्थीहरुको समुह केजीए स्टुडेन्ट काउन्सिलको अग्रसरता र विद्यालयको सहकार्यमा विद्यालयका शिक्षक, शिक्षिका तथा कर्मचारीले एकदिनको खाजा खर्च कटाएर उक्त रकम संकलन भएको हो ।
उक्त रकम काउन्सिलका प्रमुख कल्पना थापा र विद्यालयका संस्थापक एवं प्रबन्ध निर्देशक मिलन गोदारले घाइतेका श्रीमानलाई हस्तान्तरण गरिएको छ ।
गत शनिबार पाटनबाट झापुटार जॉदै गरेको मोटरसाइकलमा सल अड्किएर हात पाङ्ग्रामै पर्दा रेनुको हात चुँडिएको छ । उनको हाल राष्ट्रिय ट्रमा सेन्टरमा उपचार भइरहेको छ ।
