निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
कतार । फिफा विश्वकप २०२२ अन्तर्गत समूह ‘जी’ को भर्खर सम्पन्न खेलमा क्यामरुन र सर्बियाले ३-३ गोलको रोमाञ्चक बराबरी खेलेका छन्।
६ गोल भएको खेलमा एक एक अंक जोडेसँगै दुवै टिमले अन्तिम खेलअघि प्रिक्वार्टरफाइनलको सम्भावना जीवितै राखेका छन ।
खेलमा क्यानरुनले पहिले अग्रता लिएको थियो । क्यामरुनका लागि जिन चार्ल्सले गोल गरेका थिए।
पहिलो हाफको इन्जुरी टाइममा सर्बियाले दुई गोल गर्दै पहिलो हाफअघि अग्रता लिएको थियो। सर्बियाका लागि पहिलो हाफको इन्जुरी टाइमको पहिलो मिनेटमा पाब्लोभिक र तेस्रो मिनेटमा साबिकले गोल गरेका थिए।
दोस्रो हाफको ५३ मिनेटमा मिट्रोभिकले गोल गरेपछि सर्बिया ३-१ अघि बढेको थियो।
तर क्यामरुनले तीन मिनेटको अन्तरमा दुई गोल गर्दै खेललाई ३-३ गोलको बराबरीमा ल्याएको थियो। क्यामरुनका लागि ६३ मिनेटमा अबोउबारक र ६६ मिनेटमा चोउपो मोटिङले गोल गरेका थिए।।
