निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमाैली । नेपाल आदिवासी जनजाति महासङ्घ जिल्ला समन्वय परिषद्को आयोजनामा पुस २२ देखि पाँचौ आदिवासी जनजाति महोत्सव हुने भएको छ । व्यास नगरपालिका–३ विपी वनवाटिकामा परिषद्ले माघे सङ्क्रान्तिको अवसर पारेर महोत्सव आयोजना गर्न लागेको हो ।
परिषद्का अध्यक्ष सुजित हिराचनले जिल्लाको आर्थिक, सामाजिक, सांस्कृतिक, पर्यटन क्षेत्रको प्रबद्र्धन गर्ने उद्देश्य सहित महोत्सव आयोजना गर्न लागिएको जानकारी दिए ।
महोत्सव सञ्चालनका लागि व्यास नगरपालिकाले विपी वनवाटिका खेलमैदान उपलब्ध गराउने निर्णय गरेको छ । परिषदल् गत भदौ २६ गते नगरपालिकामा खेलमैदान उपलब्ध गराइदिन माग गर्दै निवेदन दिएकामा मङ्गलबार नगरपालिकाले अनुमति दिएको परिषद्का उपाध्यक्ष नन्दु थापाले जानकारी दिए ।
उक्त अवधिभर कुनै प्रकारको ध्वनी प्रदूषण नहुने गरी, फोहरमैला आयोजक संस्थाबाट नै पूर्णरुपमा सरसफाई गर्ने गरी महोत्सव स्थल उपलब्ध गराइएको नगरपालिकाले जनाएको छ ।
