निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमौली । नेपाल पत्रकार महासंघ तनहुँ शाखाको साधारणसभा पुस १ र २ गते हुने भएको छ । महासंघ तनहुँका अध्यक्ष उज्वल पौडेलको अध्यक्षतामा शुक्रबार बसेको कार्यसमिति बैठकले उक्त मितिमा साधारणसभा गर्ने निर्णय गरेको हो ।
साधारणसभा लुम्बिनीमा आयोजना गर्ने निर्णय गरिएको छ । पत्रकारलाई भ्रमण समेत गराउने उद्देश्यले बुद्धको जन्मभूमि लुम्बिनीमा साधारणसभा गर्ने निर्णय गरिएको अध्यक्ष पौडेलले बताए ।
बैठकले नयाँ सदस्यताका लागि आवेदन खुला गर्ने निर्णय गरेको छ । १५ दिनभित्र नेपाल पत्रकार महासंघ तनहुँ शाखाको साधारण सदस्यताका लागि आवेदन खुला गरिएको महासंघले जनाएको छ ।
