Khabar Punja

दमाैली । तनहुँको भानु नगरपालिका–६ टुहुरेपसलमा खुकुरी प्रहारबाट एक जनाको साेमबार हत्या भएको छ । स्थानीय ४८ वर्षीय सन्तबहादुर गुरुङको खुकुरी प्रहारबाट हत्या भएको जिल्ला प्रहरी कार्यालय तनहुँले जनाएको छ ।

प्रहरीले हत्यामा संलग्न व्यास नगरपालिका–८ का २४ वर्षीय आशिष परियारलाई पक्राउ गरेको प्रहरी नायब उपरिक्षक युवराज खड्काले जानकारी दिए। “के कारणले घटना भयो भन्ने खुलेको छैन, प्रहरी घटनास्थलमै छ,” उनले भने, “घटनाबारे विस्तृत विवरण सङ्कलन भइरहेको छ ।”