निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
पोखरा । गण्डकी प्रदेशका निवर्तमान मुख्यमन्त्री कृष्णचन्द्र पोख्रेलले सरकारबाट बाहिरिदै गर्दा विभिन्न संस्थालाई अनावश्यक बजेट बॉडेको खुलासा भएको छ ।
पोख्रेलले आर्थिक सहायताका नाममा पहुँचवालालाई लाखौँ रुपैयाँ वितरण गरेको पाइएको छ । राज्यकोषबाट यसरी लाखौँ रकम लैजानेमा सत्ता निकटका शुभेच्छुक संस्थाहरू छन् । उनीहरूले कार्यक्रममा सहभागी हुन जाँदाको यातायात खर्चदेखि तिजमा दर खाने कार्यक्रमका लागि भनेर राज्यकोषबाट रकम लिएको पाइएको छ ।
सरकारले संघसंस्थाहरूलाई रकम दिँदा आर्थिक सहायतासम्बन्धी कार्यविधि, २०७६ अनुसार उपलब्ध गराउनुपर्छ । तर, कार्यविधिमा उल्लेखित उद्देश्यबाहेक पनि सरकारले निकटताका आधारमा चालु आर्थिक वर्षमा मात्रै ६६ लाख रुपैयाँ बाँडेको हो ।
गत मंसिरमा निर्वाचन सकिएर नयाँ सरकार बन्ने समयावधिभित्र तत्कालीन मुख्यमन्त्री कृष्णचन्द्र नेपाली पोखरेलले १० दिनको फरकमा ६६ लाख रुपैयाँ वितरण गरेको पाइएको हो ।
मंसिर ४ गते प्रदेशसभा निर्वाचन भएपछि गण्डकीमा पुस २५ गतेमात्रै सरकार गठन भएको थियो । मुख्यमन्त्री पोखरेलले सरकार गठन हुनुभन्दा अगाडि नै मंसिर १९ गते ३२ लाख ३० हजार रुपैयाँ वितरण गर्ने निर्णय गरेका थिए । त्यसको १० दिन पनि नहुँदै मंसिर २७ गते उनले पुनः ३३ लाख ३० हजार रकम वितरणको निर्णय गरेका थिए ।
तनहुँका तीन संस्थालाई एक/एक लाख
सो बमोजिम तनहुँका तीन संस्थाले तीन लाख बुझेका छन् । परिवर्तनका लागि मिडिया व्यास-२ लाई एक लाख, ग्रामीण शसक्तीकरण समाज व्यास-४ लाई एक लाख र भन्सार युवा परिवार एक लाखलाई वितरण गरिएको छ । (स्रोत : बाह्रखरी)
