निष्पक्ष र विश्वसनीय खबरको सँगालो 
Khabar Punja
२४ माघ २०८१, शुक्रबार
चितवन । राष्ट्रिय स्वतन्त्र पार्टी (रास्वपा) सभापति एवं चितवन-२ का उम्मेदवार रवि लामिछानेले आफू चितवनले नै रोपेको बिरुवा रहेको बताएका छन्। यसपल्ट आफूलाई जल चाहिएको बताएका छन्।
उनले भने, ‘तपाईं आफैंले गत निर्वाचनमा रोपेको बिरुवा हुँ म। तपाईंले मल पनि हालिसक्नुभयो। यसपल्ट तपाईंहरुले जल हाल्नुपर्नेछ।’
उनले आफू यहीँ थुनिएको र यहीँबाट संसद्मा पुगेको बताउँदै ‘न्याय चाहिएको भए चितवन जानू’ भन्ने अवस्था आएको बताए।
उनले थपे, ‘फेरि देशलाई न्यायका लागि आएको छु। चितवनले देशलाई न्याय गर्नेछ। यो व्यक्ति जिताउन आएको होइन, युगलाई जिताउन आएको हो।’
