निष्पक्ष र विश्वसनीय खबरको सँगालो 
Khabar Punja
१९ बैशाख २०८१, बुधबार
दमौली । तनहुँको ऋषिङ गाउँपालिकाले खाना तथा खाजामा १३ लाख ४४ हजार खर्च गरेकाे पाइएको छ । आर्थिक कार्यविधि तथा वित्तीय उत्तरदायित्व नियमावली २०७७ को नियम ३९ मा सरकारी रकम खर्च गर्दा सो खर्चलाई पुष्टि हुने कागजात पेश गर्नुपर्नेमा गाउँपालिकाले जथाभावी रुपमा खाना तथा खाजामा १३ लाख ४४ हजार खर्च गरेको भेटिएको हो ।
आर्थिक वर्ष २०७८/७९ मा गाउँपालिकाले खाना, खाजा तथा अतिथि सत्कारका लागि गरेको उक्त खर्च स्पष्ट प्रयोजन र आधार नखुलाई खर्च गरेको भेटिएको छ । पालिकाले यसरी हुने खर्चमा नियन्त्रण गर्नुपर्ने महालेखा परीक्षकको कार्यालयले सुझाव दिएको छ । यो विवरण मलेपले गत चैतमा सार्वजनिक गरेको हो ।
सरकारले जारी गरेको सार्वजनिक खर्चमा मितव्ययिता कायम सम्बन्धी मापदण्ड २०७७ को दफा ३ मा सार्वजनिक निकाय तथा सार्वजनिक पद धारण गरेको व्यक्तिले सरकारी कामको शिलशिलामा खर्च गर्दा कार्यालय सामान, मसलन्द, पानी, बिजुली, इन्धन विविध खर्च लगायतमा मितव्यय कायम गर्नुपर्ने प्रावधान छ ।
