निष्पक्ष र विश्वसनीय खबरको सँगालो 
Khabar Punja
१३ असार २०८१, बिहीबार
दमौली । पृथ्वीराजमार्ग अन्तर्गत तनहुँको म्याग्दे गाउँपालिका–६ मौरीबजारमा राजमार्ग अवरुद्ध भएको छ । आज बिहान ८:३० बजे पहिरो खसेपछि राजमार्गको थर्पु–खैरेनीटार सडकखण्ड अवरुद्ध भएको हो ।
विपद् व्यवस्थापन टोली र स्थानीय पालिकाको सहयोगमा पहिरो हटाइने जिल्ला प्रहरी कार्यालय तनहुँका प्रहरी नायब उपरिक्षक मोहनबहादुर खाँणले जानकारी दिए ।
पृथ्वीराजमार्ग अन्तर्गत मुग्लिन पोखरा सडकविस्तार आयोजनाको कामका कारण राजमार्गका विभिन्न ठाउँमा पहिरोको जोखिम बढेको छ । आयोजनाले सडक छेउका भित्ता काट्ने काम गरेकाले वर्षाले पहिरो झर्ने गरेको छ ।
