निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
काठमाडौ । आइसिसी एकदिवसीय क्रिकेट विश्वकपमा दक्षिण अफ्रिकाले अफगानिस्तानमाथि ५ विकेटको सहज जित हात पारेको छ।
जितसँगै अफ्रिकाले लिग चरणमा दोस्रो स्थान पक्का गर्ने बलियो सम्भावना छ। यता हारपछि भने अफगानिस्तानको सेमिफाइनल सम्भावना औपचारिक रुपमा सकिएको छ।
सबै खेल खेलिसक्दा दक्षिण अफ्रिकाले १४ अंक जोडेको छ भने दोस्रो स्थानमा छ। अफगानिस्तान ८ अंक जोडेर भने छैटौं स्थानमा छ।
शुक्रबार अफगानिस्तानले दिएको २४५ रनको लक्ष्य ४७.३ ओभरमा ५ विकेटको क्षतिमा पूरा गर्ने क्रममा दक्षिण अफ्रिकाका भान डेर डुसेनले नटआउट ७६ रन जोडे।
