Khabar Punja

दमौली । सामाजिक विकास कार्यालय तनहुँले आयोजना गरेको हाजिरीजवाफ प्रतियोगितामा कर्मचारीको समूह प्रथम भएको छ । अपांगता भएका व्यक्तिहरुको अन्तराष्ट्रिय दिवसको अवसरमा आइतबार आयोजित प्रतियोगितामा कर्मचारीको समूह प्रथम भएको हो ।

प्रतियोगितामा नेपाल पत्रकारको समूह द्वितीय भएको छ । त्यस्तै प्रतियोगितामा शिक्षकको समूह तृतीय भएको छ । कर्मचारीको समूहले ३०, पत्रकारको समूहले २८ र शिक्षकको समूहले २३ अंक पाएको थियो ।

प्रथम भएको कर्मचारीको समूहले रु दश हजार, द्वितीय भएको पत्रकारको समूहले रु सात हजार नगद प्राप्त गरेको छ ।

विजयीहरुलाई जिल्ला समन्वय समितिका प्रमुख शान्तिरमण वाग्लेले पुरस्कार वितरण गरेका थिए ।