निष्पक्ष र विश्वसनीय खबरको सँगालो 
Khabar Punja
१ जेष्ठ २०८१, मंगलवार
दमाैली । तनहुँको आँबुखैरेनी गाउँपालिकाको शिक्षा सुधार कोषमा एकैदिन साढे छ लाख सहयोग प्राप्त भएको छ । गाउँपालिकामा रहेका विभिन्न उद्योगहरुले शिक्षा सुधार कोषमा रु छ लाख ५० हजार सहयोग गरेका हुन् ।
आँबुखैरेनी गाउँपालिका–२ स्थित अभनिष डिष्टिलरी प्रालिले रु तीन लाख, सूर्य ब्लेन्डर्स प्रालिले रु एक लाख, मकालु डिष्टिलरी प्रालिले रु एक लाख ५० हजार र तिरुमाला प्लाष्टिक इण्डष्ट्रिजले रु एक लाख सहयोग गरेको छ ।
गाउँपालिकाले सुरु गरेको शैक्षिक सुधार कार्यक्रमलाई थप टेवा पु¥याउने उद्धेश्यसहित शैक्षिक क्षेत्रमा गरेको सहयोगप्रति गाउँपालिकाका अध्यक्ष शुक्र चुमानले धन्यवाद ज्ञापन गरेका छन् ।
