निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
पोखरा । पोखरामा सम्पन्न प्रधानमन्त्री कप क्रिकेट छनोटको उपाधि स्याङ्जाले जितेको छ । तनहुँलाई फाइनलमा पराजित गर्दै स्याङ्जाले उपाधि जितेको हो । स्याङ्जाले तनहुँलाई ८१ रनले पराजित गरेको छ ।
पहिले व्याटिङ गरेको स्याङ्जाले तनहुँलाई ३९ ओभरमा १० विकेटको क्षतिमा १८३ रनको लक्ष्य दिएको थियो । स्याङ्जाका लागि करण पंगेनीले ८२, मिलन क्षेत्रीले २७, इश्वर क्षेत्रीले १३ र अंकित न्यौपानेले १२ रन जोडेका थिए ।
तनहुँले २७.४ ओभरमा सबै विकेट गुमाउँदै एक सय एक रन मात्रै जोड्यो । तनहुँका उत्सव श्रेष्ठले २६, समिर कंडेलले २७, दिनेश बुढाले पॉच, प्रदीप अर्यालले १४, कमलेश मण्डलले पॉच रन जोडेका थिए ।
