निष्पक्ष र विश्वसनीय खबरको सँगालो 
Khabar Punja
२ माघ २०८१, बिहीबार
दमौली । पृथ्वीराजमार्ग अन्तर्गत तनहुँको आँबुखैरेनी गाउँपालिका–ढापटारमा आइतबार राति भएको सवारी दुर्घटनामा एक युवकको मृत्यु भएको छ ।
आँबुखैरेनीबाट डुम्रेतर्फ आउँदै गरेको ग १ क ५०१२ नम्बरको मिनी ट्रकमा सोही दिशाबाट आउँदै गरेको प्र–३–०२–००९ प ८५३० नम्बरको मोटरसाइकल ठक्कर खाँदा मोटरसाइकल चालकको मृत्यु भएको जिल्ला प्रहरी कार्यालय तनहुँले जनाएको छ ।
मृत्यु हुनेमा तनहुँको आँबुखैरेनी गाउँपालिका–३ बस्ने २६ वर्षीय सफल राना मगर रहेको प्रहरी नायब उपरिक्षक मोहनबहादुर खाँणले जानकारी दिए । दुर्घटनामा घाइते मगरलाई उपचारका लागि पुरानो मेडिकल कलेज चितवन पठाइएकामा राति १० बजे चिकित्सकले मृत घोषणा गरेको उनले बताए ।
मिनी ट्रक र चालकलाई इलाका प्रहरी कार्यालय आँबुखैरेनीले नियन्त्रणमा लिएको छ ।
