निष्पक्ष र विश्वसनीय खबरको सँगालो 
Khabar Punja
११ श्रावण २०८१, शनिबार
दमौली । गण्डकी प्रदेशस्तरीय राष्ट्रपति रनिङशिल्ड प्रतियोगिताको उदघाटन खेलमा तनहुँकी नम्रता गुरुङले स्वर्ण पदक जितेकी छन् । नवलपुरमा शुक्रबारदेखि सुरु एथलेटिक्सतर्फ गुरुङले स्वर्ण पदक जितेकी हुन् ।
जिल्ला खेलकुद विकास समिति तनहुँका अध्यक्ष अनिल पाण्डेका अनुसार १५०० मिटर दौडमा गुरुङले स्वर्ण पदक जितेकी हुन् । गुरुङ व्यास-१ निर्मल माविमा अध्ययनरत छिन् ।
प्रदेशस्तरीय रनिङशिल्ड प्रतियोगितामा तनहुँका ९४ खेलाडीको सहभागिता छ । प्रतियोगितामा ६ विधामा खेलाडीले सहभागिता जनाउँदैछन् ।
