निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । तनहुँको म्याग्दे गाउँपालिका–४ मनहरीस्थित आदर्श नमूना क्लवको आयोजनामा चैत २० देखि २४ गतेसम्म १२ औं आदर्श तथा सातौ तारा स्मृति कप सेभेन ए साइड फुटबल प्रतियोगिता हुने भएको छ । प्रत्येक वर्षझै यस वर्ष पनि क्लवले फुटबल प्रतियोगिता आयोजना गर्न लागेको हो ।
प्रतियोगितामा १६ टिमको सहभागिता रहने क्लवका अध्यक्ष अक्षय कायस्थले जानकारी दिए । प्रतियोगितामा पहिलो १६ टिमको दर्तालाई मात्रै मान्यता दिइने उनले बताए । कुनैपनि क्लव, सङ्घसंस्थाको एकभन्दा बढी टिम दर्ता नहुने उनले बताए ।
प्रतियोगितामा विजेताले रु ७५ हजार र उपविजेताले रु ४० हजार नगद पुरस्कार प्राप्त गर्नेछ ।
क्लवले विगत २०६८ सालदेखि निरन्तर प्रतियोगिता आयोजना गर्दै आइरहेको छ । तनहुँ फुटबलको इतिहासमा बाह्र वर्षसम्म अनवरत रुपमा प्रतियोगिता आयोजना गर्ने आदर्श नमूना क्लवमात्रै रहेको दावी गरिएको छ।
