निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
दमाैली । पृथ्वीराजमार्ग अन्तर्गत तनहुँको म्याग्दे गाउँपालिका–१ गुणादीमा रोकिराखेको बसमा कार ठोक्किदा शनिबार तीन जना घाइते भएका छन् ।
पोखराबाट दमौलीतर्फ आउँदै गरेको ना ५ ख ५३५९ नम्बरको बसमा सोही दिशाबाट आउँदै गरेको बागमती बिएसी ५७४० नम्बरको कार ठोक्किदा कारमा सवार तीन जना घाइते भएको जिल्ला प्रहरी कार्यालय तनहुँले जनाएको छ ।
घाइते हुनेहरुमा कार चालक कास्कीको पोखरा महानगरपालिका–२५ बस्ने ३१ वर्षीय विकास त्रिपाठी, पोखरा महानगरपालिका–१६ बस्ने ३२ वर्षीय विकास बानियाँ र पोखरा महानगरपालिका–१९ वर्षीय ३१ वर्षीय सञ्जिव भण्डारी रहेका छन् ।
घाइतेहरुको दमौलीस्थित रत्नहरि अस्पतालमा उपचार भइरहेको प्रहरीले जनाएको छ ।
