निष्पक्ष र विश्वसनीय खबरको सँगालो 
Khabar Punja
११ श्रावण २०८१, शनिबार
दमौली। १२ औं आदर्श तथा सातौ तारा स्मृति कप सेभेन ए साइड फुटबल प्रतियोगिताको उपाधि लिभिक निर्माण सेवाले हात पारेको छ ।
म्याग्दे-४ मनहरीस्थित आदर्श नमूना क्लवको आयोजनामा आइतबार सम्पन्न फाइनल खेलमा आयोजकलाई ट्राइबेकरमा पराजित गर्दै निर्माण सेवाले उपाधि कब्जा गरेको हो ।
निर्धारित समयमा दुवै समूहबाट गोल नभएपछि निर्माण सेवा ट्राइबेकरमा ३-१ ले विजयी भएको हो । उपाधिसँगै निर्माण सेवाले रु ७५ हजार नगद, ट्रफी प्राप्त गरेको छ भने उपविजेता आयोजकले रु ४० हजार नगद प्राप्त गरेको छ ।
विजेतालाई म्याग्दे गाउँपालिकाका उपाध्यक्ष बालकृष्ण घिमिरे, वडाध्यक्ष दिपक श्रेष्ठ लगायतले पुरस्कार वितरण गरेका थिए ।
