निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
दमौली। नेपाली कांग्रेसका महाधिवेशन प्रतिनिधि चाम थापाले प्राविधिक र गुणस्तरीय शिक्षा अहिलेको आवस्यकता रहेको बताएका छन् ।
नेपाल मगर विद्यार्थी संघ आदिकवि भानुभक्त क्याम्पस इकाइको भित्ते पात्रो विमोचन तथा नयाँ वर्षको शुभकामना आदानप्रदान कार्यक्रममा बिहीबार बोल्दै थापाले शिक्षा क्षेत्रमा सुधार गर्दै जानुपर्ने बताए ।
उनले पछिल्लो समय युवायुवती बिदेशीने क्रम बढ्दै गएकाले त्यसलाई रोक्न राज्यले स्वरोजगारमुलक कार्यक्रम ल्याउनुपर्ने बताए ।
युवायुवतीले स्नातक, स्नातकोत्तर पढेर सकेपनि स्वदेशमा रोजगारीको अवसर प्राप्त नहुने स्थिति बनेपछि बाहिरिनुपर्ने बाध्यता भएकाले त्यसलाई रोक्न स्वदेशमै रोजगारीको अवसर हुनुपर्नेमा उनले जोड दिए । त्यसका लागि राज्यले उद्योग, कलकारखाना स्थापनामा जोड दिनुपर्छ ।
