निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमौली । लियो क्लव अफ दुलेगौंडा खैरेनी सिटीको वर्ष २०२४ः२५ कालागि अध्यक्षमा निर्वाचित विवेक वाग्लेले जिम्मेवारी बाडँफाड गरेका छन् । क्लव अध्यक्ष वाग्लेले सर्वसम्मत अध्यक्षमा निर्वाचित गराएकामा धन्यवाद दिदै क्लवका उद्धेश्य र लक्ष्यमा पुग्न सबैको साथ र सहयोगका लागि अपिल पनि गरेका छन् ।
क्लवका निवर्तमान अध्यक्षमा विवेक बानीया, प्रथम उपाध्यक्षमा सुसन पौडेल, द्धितीय उपाध्यक्षमा भैरव आले, सचिवमा प्रविण श्रेष्ठ रहेका छन । यसैगरी कोषाध्यक्षमा क्षितिज पौडेल, सहसचिवमा उमराज खनाल, सहकोषाध्यक्षमा देवेन्द्र श्रेष्ठ रहेका छन् ।
ऑखा शिविर संयोजकमा सुसन पौडेल, प्रविण श्रेष्ठ र विपिन रिमाल, मिडियामा समिप शर्मा, वातावरणमा सफल तिमील्सीना, शिक्षामा क्षितिज पौडेल, बाल तथा महिला सशक्तिकरणमा प्रिति तिवारी र स्वास्थ्यमा नविन तिमिल्सीनालाई जिम्मेवारी दिइएको क्ल्व अध्यक्ष विवेक वाग्लेले जानकारी दिए । साथै क्ल्व डाइरेक्टरमा कविराज खनाल र सपना तिवारी रहेका छन् ।
