निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
दमौली । नेकपा एमाले तनहुँको दशौ अधिवेशन अन्तर्गत जारी मतगणनामा अध्यक्षका उम्मेदवार हरिराज कंडेलले अग्रता कायमै राखेका छन् । राति १२:४५ बजेसम्म गनिएको २११ मतमध्ये कंडेलले १०९ मत प्राप्त गरेका छन् ।
अध्यक्षका अर्का उम्मेदवार विष्णुभक्त सिग्देलले ९८ मत प्राप्त गरेका छन् । उपाध्यक्षमा भने दुवै उम्मेदवारले समान मत प्राप्त गरेका छन् । राजेश्वर ढकाल र श्रीराम कार्कीले १०३/१०३ मत प्राप्त गरेका छन् ।
सचिवमा प्रदीपराज अधिकारीले १०५ र अनिल पाण्डेले ९९ मत प्राप्त गरेका छन् । उपसचिवमा खिम कुमालले ११६ र आरके पोख्रेलले ८५ मत प्राप्त गरेका छन् । उपसचिव महिलामा सुनिता नेपालीले १०४ र बसुन्धरा घर्तीले ९५ मत प्राप्त गरेकी छन् ।
निर्वाचनमा ५६० मत खसेको छ । बॉकी मतगणना मंगलबार बिहान ९ बजेबाट हुने निर्वाचन कमिटीले जनाएको छ ।
