निष्पक्ष र विश्वसनीय खबरको सँगालो 
Khabar Punja
२ असार २०८१, आईतवार
दमौली । नेकपा (माओबादी केन्द्र) निकट इन्जिनीयर संगठन, नेपाल राष्ट्रिय इन्जिनीयर संगठन (निओन) को अध्यक्षमा तनहुँका अनिस ढकाल निर्वाचित भएका छन् ।
पोखरामा सम्पन्न संगठनको प्रदेश सम्मेलनले ढकालको नेतृत्वमा २९ सदस्यीय समिति चयन गरेको छ । अध्यक्षमा निर्वाचित ढकाल नेकपा माओवादी केन्द्र शुक्लागण्डकी नगर कमिटीका सहसचिव समेत हुन् ।
जसको उपाध्यक्षमा प्रदीप न्यौपाने, सन्जय सुवेदी, सोवित श्रेष्ठ, सचिवमा मदन पहारी, सहसचिवमा शशीकुमार भुजेल, इश्वर भण्डारी र कोषाध्यक्षमा कल्पना पण्डित चयन भएका छन् ।
कार्यक्रममा नेकपा माओवादी केन्द्रका केन्द्रीय सदस्य एवं गण्डकी प्रदेश सरकारका आर्थिक मामिला तथा योजनामन्त्री हरिबहादुर चुमानले नवनिर्वाचित कार्यसमितिलाई शुभकामना व्यक्त गरे ।
