निष्पक्ष र विश्वसनीय खबरको सँगालो 
Khabar Punja
११ श्रावण २०८१, शनिबार
दमाैली । युवा अभियान्ता सुदीप गफ्फारले मंगलबार बिहानै मानुङकोट पुगेर सरसफाइ गरेका छन् । उनले व्यास नगरपालिका–५ स्थित पर्यटकीय गन्तव्यस्थल मानुङकोट पुगेर सरसफाइ गरेका हुन् ।
मानुङकोटमा जथाभावी फालिएका फोहरलाई सङ्कलन गरी गफ्फारले व्यवस्थापन गरिदिएका छन् । उनले मानुङकोटमा फालिएका शिशाका बोतल र शिशाका टुक्राको जबसम्म व्यवस्थापन हुँदैन तबसम्म विकासले अर्थ नराख्ने उल्लेख गरेका छन् ।
सामाजिक काममा रुची राख्ने उनले दमौली आसपास, चुँदीखोला र बुल्दीखोला सरसफाइ गरेर जिल्लामा मात्र नभई देश तथा विदेशमा प्रख्याती कमाएका छन् ।
