निष्पक्ष र विश्वसनीय खबरको सँगालो 
Khabar Punja
२३ कार्तिक २०८१, शनिबार
काठमाडौ । बारा-४ का सांसद कृष्णकुमार श्रेष्ठले आगामी वर्षको बजेटमा धैरै कुरा समेटिएपनि केही विषय छुटेकाले सरकारको ध्यानाकर्षण गराएका छन् । बुधबारको संसद बैठकमा छलफलमा भाग लिँदै सांसद श्रेष्ठले बजेट समाजवाद उन्मुख रहेको बताए ।
देशकै गेमचेन्जर मानिएको निजगढ अन्तराष्ट्रिय विमानस्थल र फास्टट्र्याकलाई बजेटमा समावेश गरिएको र त्यो स्वागतयोग्य रहेको उनले बताए । बजेटमा मधेशका धेरै महत्वपूर्ण विषय समेटिएपनि औद्योगिक महत्वलाई कम ऑकलन गरिएको उनको भनाइ छ ।
मधेशका दक्षिणी भेगका मानिसहरु वर्षौदेखि खानेपानीको अभावमा तड्पिरहेकाले खानेपानी समस्यामा गम्भीर हुन श्रेष्ठले सरकारलाई आग्रह गरे । ‘विशेषगरी बारा-४ का धेरै ठाउँमा खानेपानीको चरम अभाव छ, तर सरकारले खानेपानी समस्यालाई सतही रुपमा लिएको प्रष्ट भएको छ ।’
