निष्पक्ष र विश्वसनीय खबरको सँगालो 
Khabar Punja
१७ कार्तिक २०८१, आईतवार
दमाैली । पृथ्वीराजमार्ग अन्तर्गत तनहुँको व्यास नगरपालिका–१ अम्रेनीमा चिनियाँ कम्पनीको पानी ट्याङ्करको ठक्करबाट मृत्यु भएका इन्जिनियर प्रविण कैनीको पाँच दिनपछि शुक्रबार बिहान दाहसंस्कार गरिएको छ ।
गत सोमबार ट्याङ्करको ठक्करबाट मृत्यु भएका कमलाबारीका २९ वर्षीय कैनीको शुक्रबार मादीसेती घाटमा दाहसंस्कार गरिएको हो ।
ट्याङ्कर चालकको लापरवाहीका कारण मृत्यु भएका कैनीका परिवारले पीडितलाई उचित क्षतिपूर्ति र दोषीलाई कारबाहीको माग गर्दै आन्दोलन गरेका थिए । दुवै पक्षबीच बिहीबार सहमति भएको थियो ।
सहमति अनुसार पीडित परिवारलाई बीमा सहित रु ३० लाख र आयोजनामा एक जनालाई रोजगारी दिने सहमति भएको थियो ।
