निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
लमजुङ । क्व्होलासोथार गाउँपालिका-३ बगुममा पहिरोले घर बगाउँदै एकै परिवारका ४ जना बेपत्ता भएका छन् । वडा सदस्य विनप्रसाद घलेका अनुसार गएराति १२–१ बजेतिर गएको पहिरोले ३ वटा घर बगाउँदा २ घरका ४ जना बेपत्ता भएका हुन् ।
पहिरोले अन्दाजी ६९ वर्षीय रुद्रमान गुरुङ, उनका बुहारी अन्दाजी ३७ वर्षीया पञ्चकुमारी गुरुङ, पञ्चकुमारीका २ छोरीहरू अन्दाजी ७ वर्षीया इच्छा र अन्दाजी ५ वर्षीया नम्रता बेपत्ता भएका हुन् ।
पहिरोमा परेर अन्दाजी ३६ वर्षीय भीमबहादुर घले घाइते भएका छन् । स्थानीयका अनुसार भीमबहादुरको घर बगाएपनि उनी खोपीतिर सुतेका कारण बच्न सफल भएका हुन् । रुद्रमानका श्रीमती लिलाकुमारी र पञ्चकुमारीका छोरा अन्दाजी ९ वर्षीय निरज छिमेकीकोमा सुत्न गएकोले उनीहरु बच्न सफल भएका छन् ।
