निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
दमौली । लायन्स क्लव अफ तनहुँ म्याग्देले छाङगैह्रास्थित गणेश माध्यमिक विद्यालयमा ५० हजारको अक्षयकोष स्थापना गरेको छ ।
विपन्न तथा जेहेन्दार छात्रछात्रालाई वार्षिक रुपमा छात्रवृत्ति प्रदान गर्न क्लवले ५० हजारको अक्षयकोष स्थापना गरेको हो ।
क्लवका अध्यक्ष गौरवराज रानाले शुक्रबार उक्त रकमको चेक विद्यालयका अध्यक्ष बमबहादुर मसराङ्गीलाई हस्तान्तरण गरेका छन् ।
अक्षयकोषबाट प्राप्त हुने व्याजबाट वार्षिक रुपमा विपन्न तथा जेहेन्दार विद्यार्थीलाई छात्रवृत्ति प्रदान गरी अध्ययनमा सहयोग पुर्याउने रानाले बताए ।
कार्यक्रममा म्याग्दे-४ का वडाध्यक्ष दीपककुमार श्रेष्ठले क्लवले गर्दै आएको कामको प्रशंसा गरे ।
विद्यालयका प्रधानाध्यापक शिवराज घिमिरेले क्लवले गरेको सहयोगले विद्यार्थीको अध्ययनमा सहयोग पुग्ने भन्दै धन्यवाद दिए ।
सोही कार्यक्रममा क्लवले पॉच हजार बराबरको स्टेशनरी सामग्री वितरण गरेको थियो ।
कार्यक्रममा क्लवका पूर्व अध्यक्ष सुन्दरमणि अधिकारी, गाउँपालिकाका कार्यपालिका सदस्य जानकी थापा लगायतले क्लवले गरेका कामको चर्चा गरेका थिए।
