निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमाैली । तनहुँको व्यास नगरपालिका–४ दमाैलीस्थित कन्काई ग्लाेबल एकेडेमीले विद्यार्थीलाई खेतमै लगेर धान राेप्न सिकाएकाे छ । एकेडेमीका विद्यार्थीले व्यास नगरपालिका-११ बेल्टारीस्थित खेतमा पुगेर धान राेपेका हुन् ।
कृषि जनजीवनका गतिविधिसँग परिचित गराउन विद्यालयले विद्यार्थीहरुलाई खेतमा लगेर धान रोप्न सिकाइएकाे प्रबन्ध निर्देशक मिलन गाेदारले जानकारी दिए ।
धान दिवसको बारेमा जानकारी गराउँदै प्रयोगात्मक ज्ञान सिकाउन विद्यार्थीलाई खेतमै पुगेर धान रोप्न लगाइएको उनकाे भनाइ छ । पछिल्लो समय शहरी क्षेत्रमा बसोबास गर्ने बालबालिका धान रोपाइँ र खेतीपातीबारे बेखखर हुँदै गएकाले उनीहरुलाई प्रत्यक्ष प्रयोगात्मक अवलोकनका लागि धान रोपाइँमा सहभागी गराइएको उनले उल्लेख गरे ।
